“ლელი” ეს ჩვენ ვართ!.. ეს, ჩემი არჩევანია 2006 წლიდან!!! იპოვნო საკუთარი შესაძლებლობები – ნიშნავს, რომ ხდები სრულფასოვანი საზოგადოების წევრი და საზოგადოებასთან ერთად ჩართული ხარ თემის განვითარებაში. “ლელი”-ს სასტარტო გუნდის ძალა და დადებითი მუხტი დღემდე განსაზღვრავს მის მდგრადობას და პოზიტიურ ენერგიას.

ლელში პირველად 2013 წელს მოვხვდი, ახალგაზრდული დებატების კლუბის ტრენერად. ჩასვლის წუთიდან მიმიღეს, შემიყვარეს და შემითვისეს. ლელმა მასწავლა სოფლის საჭიროებების გათვალისწინება, თითოეული მონაწილის ცხოვრების სტილისთვის საჭიროებაზე მორგებული ტრენინგისა თუ შეხვედრის მისადაგება.

ლელი არის მაგალითი შრომისმოყვარეობის და მეგობრობის რომელიც არ სრულდება. პირიქით სულ პროცესშია, ვითარდება, იხვეწება და ქმნის შესაძლებლობებს გარშემო მყოფებისთვის. მეც ამ პროცესის მონაწილე ვიყავი და თქვენი მხარდაჭერით შევძელი გარეთ გამოსვლა, ერთად გავაკეთეთ ლელიანის კულტურის სახლის პროექტი, გავხდი საზოგადოებრივად აქტიური და ისევ მეიმედებით.

ლელი – 2010 წელს შევუერთდი მათ გუნდს და ძალიან თბილი და ტკბილი წლები მაკავშირებს… ეს იყო ყველაზე ძლიერი, ჯანსაღი და კრეატიულ იდეების მქონე ახალგაზრდების გუნდი და მისი სულის ჩამდგმელი ლიდერები, ნანა და გელა… ძალიან ბევრი რამ ვისწავლე თქვენთან და აქ გატარებული წლები არასოდეს დამავიწყდება… დღესაც მიხარია ყოველი წინ გადადგმული ნაბიჯი და უდიდეს გულშემატკივარი ვარ… წარმატებები მომავალ საქმიანობაში.

“ლელი” ასწავლის პიროვნებისთვის ხელმისაწვდომი რესურსის გამოყენებით საკუთარი შესაძლებლობების აღმოჩენას, განვითარებას და ცხოვრებაში რეალიზებას – ეს არის მნიშვნელოვანი უნარი რაც ლელთან ურთიერთობისას მივიღე… ვისწავლე რას ნიშვნავს იყო მოხალისე და რა სარგებელი შეგიძლია მოუტანო საზოგადოებას, სოფელს, გარემოს და მიიღო ემოციური სარგებელი თავადაც.

“ლელი” არის ადგილი სადაც ბავშვობის პერიოდიდან მოყოლებული შემიძლია მივიდე და ის საქმე ვიპოვო რაც რეალურად, ხარისხიანად და კარგად გამომდის. არსებულ ცოდნის საფეხურებს კიდევ ახალი ცოდნები დავუმატო და აქ, განვითარების პროცესში არსებული ჩავარდნის დროსაც კი ზუსტად ვიცი რომ უპირობოდ დამეხმარებიან და ცხოვრების გზას ბედნიერი გავაგრძელებ…

„ლელი“  ეს არის  ორგანიზაცია, რომელმაც ზუსტად იცის თემის საჭიროება. ზრუნავს თემის   სრულწლოვან  და არასრულწლოვან  წარმომადგენელთა  ფსიქო-ემოციურ, ფიზიკურ, ინტელექტუალურ, პროფესიულ  და  ეკონომიკურ განვითრებასა და კეთილდღეობაზე.

რა მახსენდება უცებ, როცა მესმის სახელი ,,ლელი“ _ სიამაყით ვივსები და მახსენდება..

პირველი შეხვედრა 2006 წელს თავის სოფელზე შეყვარებულ, საოცრად მოტივირებულ და გამოუცდელ ახალგაზრდა ადამიანებთან რომლებიც დიდი, სუფთა და რაღაც ახალზე მოწყურებული თვალებით შემომყურებდნენ.

ნანა და გელა, ეს საოცარი ტანდემი განსხვავებული ლიდერებისა, რომელთაც ასეთ წარმატებამდე და დღევანდელ დღემდე მოიტანეს ის საწყისი ენთუზიაზმი და რეალობად აქციეს დიდი ჩანაფიქრები…

ადგილი, სადაც უამრავი სხავადასხვა სქესის, ეთნოსის, ასაკის და სოციალური წრის ადამიანი იღებს ცოდნას, ინფორმაციას, მხარდაჭერას და რაც ყველაზე მთავარია, სითბოს და სიყვარულს

და ბოლოს, ამ სახელის გაგონებაზე სიამაყით ვივსები, რადგან ვიცი, რომ ამ ყველაფერში, პატარა აგური პირადად მე და ჩემს ორგანიზაციასაც _ CSRDG დაუდია J)))